طريقة التحضير
0/0 الخطوات المستعملة- ناخدو لاباط، نحلوها، نقطعوها، نرشو سطح العمل بالدقيق و من فوق العجين كذلك و نسرحوها بالمدلك، و نقطعوها دوائر بمساعدة القالب و نديرو 2 دوائر أصغر بهاد الشكل و نتقبو العجين بالفورشيط و ندهنو بشوية بياض البيض و نلسقوهم بهاد الشكل، و نكملو بنفس الطريقة حتى نكملو العجين و ندخلوهم للفران سخون على درجة حرارة 180 لمدة 20 دقيقة
و ها هو الشكل ديالهم ملي طابو - في مقلة، نديرو زيت الزيتون، نشحرو البصلة و نزيدو عليها الثومة، نزيدو الكبدة، نحركو و كانصحوكم تخليو الكبدة حتى تنشف كليا من الماء عاد نزيدو العطرية، السكينجبير، الكامون و نخويو واحد الجنب في المقلة و نديرو فيه مطيشة الحك باش تكاراميليزا و ندخلوها مع الكبدة باش تعطينا مذاق لذيذ، و نزيدو الهريسة ، مطيشة محكوكة، نخلطو و نضيفو في الأخير القزبر و المعدنوس و شوية زيت الزيتون و نفرتو ضامتي ديال الزعفران و نحركو كولشي .
نعمرو الفولوفو
نعمرو الوسط ديال الفولوفو ديالنا بالحشوة ديال الكبدة
شاركي برأيك