التكتوكة المغربية

طريقة التحضير

1. كانبداو بالفلفالت لي شوينا، نقيوهم من القلب و الزريعة، نحطوهم فوق الكراضة، نديرو مطيشة لي قطعنا طريفات و القزبر والمعدنوس، و كانصحكم أ الحادكات، باش تسهلو عليكم التقطاع ديال الخضر، قطعوهم مجموعين بالقطاعة في نفس ال وقت بهاد الشكل باش تحصلو على طريفات صغار.
   
2. ناخدو مقلة، نديرو فيها زيت الزيتون، و الثومة و نشحروها شوية على عافية مهيلة، ونزيدو الخضر لي قطعنا و نخليوهم يطيبو مزيان على خاطرهم، تقريبا 15 دقيقة، حتى تطلق مطيشة الماء ديالها و تستمرو في التحراك حتى تنشف و نزيدو مركزالطماطم ، التحميرة، الكامون و الملح و الإبزار و الهريسة حسب الرغبة، و عطرية جاڤنا و نرويو بشوية زيت الزيتون إلى بانت لينا نشفات، نخليوها تعقاد شوية و نطفيو عليها.
3. في طبسيل، نقدمو التكتوكة ديالنا، و نزيدو زيت الزيتون حسب الرغبة، مع شوية الحامض مصير الفوق و المعدنوس.