طريقة التحضير
0/0 الخطوات المستعملة- في إناء، نديرو الابزار، السكينجبير، الخرقوم البلدي، الموطارد، 2 حبات ديال الثومة محكوكة، الهريسةعلى حسب الذوق، عرش معدنوس مقطع، الحامض مصير، نفرتو ضامتي ديال الدجاج، بنة الطياب ضامتي زعفران، نزيدو الماء، و نلبسو ليكات و نخلطو الشرمولة، نهزو منها معلقة نخليوها للحشوة و نبداو نشرملو الكوكلي ديالنا، دهنو مزيان بالشرمولة ما بين اللحمة و الجلدة بهاد الطريقة و نردوهم للاناء و نغطيوه بالفيلم الغذائي، و نخليوه يترقد و كانصحوكم أ الحادكات، كلما بات و ترقد
الكوكلي، كلما جا هشيش و كاتدخل ليه العطرية مزيان و كايجي لذيذ
- نرطبو الشعرية هي الولى في الماء، نصفيوها و نقطعوها، و دابا ندوزو لتحضير الحشوة، ناخدو مقلة، نديرو فيها زيت الزيتون، البصلة، نخليوها طيح شوية، نزيدو الفطر، نشحرو، نزيدو القشاوش ديال الدجاج، 2 حبات ديال الثومة محكوكة، نستمرو فالتشحار، و دابا نضيفو العطرية، الابزار، الخرقوم، السكينجبير و مانساوش المعلقة ديال الشرمولة لي خلينا، نخلطو الكل و نخليوهم يطيبو حتى يشدو فراسهم و نضيفو الشعرية و الزيتون و نخلطو.
- ناخدو الكوكلي و نعمروه بالحشوة ، و في برمة، نحطوه يتفور و نسدو عليه، من بعد. كانخلطو الزبدة مع الهريسة، ندهنو بيهم الكوكلي و ندخلوه للفران يتحمر، من بعد كانقدموه مع خضيرة مفورة، عويدات لي درنا فيهم الطماطم الكرزية و البيض، زيتون أسود، و شوية الهريسة
شاركي برأيك