طريقة التحضير
0/0 الخطوات المستعملة- فإناء، كانديرو البصلة مشلضة، مطيشة محكوكة، المعدنوس مقطع، النعناع مقطع، 3 المعالق كبار من مركز الطماطم، ربع كاس دبس الرمان، نفرتو 2 بنة الطياب ضامتي ثومة، عصير 2 حامضات، نزيدو كاس و نصف من زيت الزيتون، نفرتو ضامتي بكري ، نزيدو الباريكا، نزيدو حسب الذوب رشة من إبزار جاڤانا و نخلطو الخليط مزيان … و كانضيفو عليه الروز و كانعاودو نخلطو الخليط مرة أخرى.
- ناخدو ورق العنب و نعمروهم بالحشوة على شكل سيكار حتى نكملو الكمية لي عندنا.
- فإناء، نديرو الماء دافي، نصف كاس زيت الزيتون، ربع كاس دبس الرمان، نصف كاس زيت المائدة ، معلقة كبيرة معجون الطماطم، نفرتو ضامتي بقري و نخلطو كلشي
- في قلب الطنجرة كنديرو شوية المرق، و نستفو دوائر البصل، نحطو ورق العنب لي عمرنا، وريقات المعدنوس، وريقات النعناع، نضيفو طبقة أخرى من ورق العنب، وريقات المعدنوس، وريقات النعناع و طبقة أخرى من ورق العنب، نرويو بالمرق، نخليو شوية نرويو بيه ملي نكونو كانطيبو لابان لينا نشف و نزيدو الحامض من الفوق و كانتقلوه بطبسيل باش مايطلعش و نديوه يطيب فوق نار متوسطة لمدة 15 دقيقة و من بعد نار مهيلة لمدة ساعة و 45 دقيقة
- تقلبو الطنجرة ديال ورق العنب فطبسبل، نزينو بشرائح الحامض، المعدنوس، حبات الرمان و خويط من دبس الرمان من الفوق و ها شهيوتنا كملات كاتجي غزالة! ! بالصحة و الراحة!


شاركي برأيك