طريقة التحضير
0/0 الخطوات المستعملة- في إناء، نغربلو الدقيق و 3 أكياس كاكاو إديال، ناخدو إناء آخر، نديرو فيه البيض، 120غ ديال سكر سنيدة، 2 أكياس سكر ڤانيليا إديال و نخدموهم مزيان بالطراب الكهربائي حتى نحصلو على قوام كريمي و نضيفو خليط الدقيق و الكاكاو على زوج ديال المرات و كانصحوكم أ الحادكات، نخلطو غير بشوية و نحاولو مانهبطوش البيض باش مانضيعوش الهواء لي جمعنا فالتطراب و بهاد الطريقة غانحصلو على عجينة جنواز ناجحة، و نخويو العجين فلاطة ديال الفران لي سبق لينا لبسناها ورق الطبخ و نبسطوها على اللاطة كاملة وندخلوها لفران سخون على درجة حرارة 180 لمدة 8 الدقائق.
- في كاسرونة، نخويو نصف لتر حليب بارد، 80غ سكر سنيدة، 3 ديال المعالق كبار من مستحضر كريم باتيسيير إديال ديال الحامض، نخلطو مزيان بالطراب اليدوي و نشعلو عليها العافية و نستمرو في التحراك حتى تعقاد و نطفيو عليها و نضيفو الزبدة و حنى كانحركو حتى تذوب تماما و نخويوها في إناء و نغطيوها بفيلم غذائي و نخليوها تبرد، من بعد نغطيوها بورق الطبخ ونقلبوها بهاد الشكل باش الوجه الملس هو لي يكون في الاعلى، ناخدو الرقم لي بغينا و لي سبق لينا امبريميناه في ورقة، نحطوه فوق الجنواز باش نطراسيو و نقطعو، و نعاودو نفس العملية مرة أخرى و نزولو الزوائد ديال
الجنواز . - في إناء، نخويو القشدة السائلة المحلاة و نطلعوها بالطراب الكهربائي حتى كاتشد فراسها و نزيدو
عليها الكريم باتيسيير ديال الحامض من بعد ما بردات، نطربوها غير شوية باش تجانس مع الكريمة و نديروها في جيب الحلواني، و نبداو نمونطيو كيك الرقام ديالنا. في كارطونة خاصة بالحلويات،
نحطو الطبقة الاولى من الكيك، نديرو الكريمة، الطبقة الثانية، و نعاودو نديرو الكريمة ونزينو بفواكه و حلويات من اختياركم .
شاركي برأيك