طريقة التحضير
0/0 الخطوات المستعملة- في طنجرة، كانديرو زيت الزيتون، البصلة مشلضة، القزبر و المعدنوس مقطع، الحامض مصير مقطع، الثومة محكوكة، الخرقوم، الابزار، عطرية الحوت، السكينجير، نفرتو ضامتي ديال الزعفران، نخلطو مزيان، نزيدو الدجاج و نشحرو مزيان باش تدخل فيه العطرية و نرويو بالماء حتى يتغطا الدجاج و نخليوه يطيب ، ومن بعد، نزولوه من الطنجرة و نفرتوه بينما المريقة كاتختار و كاتدغمر، من بعد كانزيدو الكروڤيت، نخلطو، الفطر أسود، الشعرية الصينية، الهريسة على حسب الذوق و نردو الدجاج لي فرتتنا و الفروماج و نخلطو الكل جيدا و نحتافضو به.
- و دابا كاناخدو شعرية الكنافة، كانحلوها بشوية بشوية، و كانصحوكم أ الحادكات و نفزكوها بالزبدة حتى كاتدخل مع شعرية الكنافة مزيان .
- دابا غانبداو نمونطيو الكنافة، نديرو في مقلة جهد زوج معالق كبار ديال الزبدة و نحطو طبقة من شعرية الكنافة و نبسطوها على المقلة بهاد الطريقة لي كاتشوفو و نديرو طبقة ديال الحشوة و نبسطوها مزيان، و نقطو السوريمي قطع صغيرة و نوزعوه حتى هو فوق الحشوة و نغطيو بطبقة ديال شعرية الكنافة و نضغطوها بيدينا مزيان باش تاخد شكل دائري، و بالنسبة للحشوة و شعرية الكنافة لي بقاو لينا، نصاوبو بيهم كنافات صغار و نطيبو الكنافة على عافية مهيلة من كل جهة حتى تحمر و تقرمش و نزينوها من الفوق و الكروفيت و السوريمي .
شاركي برأيك