الزعلوك

طريقة التحضير

1. دابا نبداو نقطعو الخضر المشوية، ناخدو الدنجال و نحيدو ليه الراس و نقطعوه، و ناخدو مطيشة نحيدو ليه الزريعة ديالها و نقطعوها و نديرو الكرعة الحمراء حتى هي نفس الشيء، و نجمعو جميع العناصرمع بعضياتهم .
   
2. في كاسرونة، نحطو الخضر لي قطعنا و نزيدو عليهم شوية ديال الزيت العود، الإبزار، الكامون و نفرتوا 2 ضامات البنة ضامتي ديال الثومة و نشعلو العافية مهيلة ونحركو مزيان حتى يبانو لينا الخضر تجانسو مع بعضهم و في الأخير نضيفو نصف كمية القزبر لي عندنا و نزيدو شوية زيت العود و نطفيو عليها و ديما الحادكات ديرو في بالكم ملي تبغيو تنسمو بالربيع في أي شهيوة، خليوه هو اللخر باش يبقى شاد اللون الخضرديالو، مايكحالش و حتى مذاقو يبقى مجهد.
3. ناخدو مقلة ماكاتلصقش، نديروها تسخن و نديرو فيها شوية الزيت العود، و نحطو البصلة و الفلفلة يتقلاو على عافية متوسطة ، نزيدو المزيودات الحارين و نخليو الخضر تهبط شوية، من بعد نزيدو شوية الإبزار و الملحة حسب الرغبة، نضيفو السكينجبير وكل مابانت لينا الصوص نشفات نزيدو شوية الزيت العود باش نمرقو و تبان لينا الصوص ، نزيدو الملون الطبيعي السنسلة و نفرتو 2 ضامات البنة ضامتي ديال الثومة، و في الأخير نزيدو نصف كمية القزبر لي بقات لينا، و نزيدو مكعبات البطاطا المقلية و نحركو كولشي و نطفييو عليها العافية
4. نقدمو الزعلوك ديالنا في طبسيل شوية غارق، نحطو طبقة ديال مزيج الدنجال، الكرعة و مطيشة، و نديرو حفيرة الوسط و نحطو فيها الطبقة الثانية ديال الفلفلة و البصلة، نزينو بطريف ديال الحامض، و وريقات ديال القزبر.