طريقة التحضير
0/0 الخطوات المستعملة- في إناء، نديرو البصلة محكوكة، القزبر و المعدنوس، الثومة، السكينجبير، نصف معلقة ديال القرفة، الملح ، البزار ، الملون الطبيعي السنسلة، نفرتو ضامتي ديال الحوت، و نزيدو زيت الزيتون و نخلطو كولشي، و ناخدو طريفات الحوت ديالنا و نشرملوه مزيان. و كانصحكوم أ الحادكات، نغطيوه الإناء ببلاستيك غدائي و نخليوه يرتاح في الثلاجة على الأقل ساعة.
- ناخدو طاجين، نفرشو فيه البصلة، زيت الزيتون، السكر سنيدة، القرفة و من بعد ما رقدنا الزبيب في الماء، نعصروه و نزيدوه على الطاجين و نخليو شوية و نحطو الحوت لي رقدنا و نزيدو الزبيب لي خلينا من الفوق و نغطيوه و ندخلوه للفران يطيب على درجة حرارة 220 لمدة ساعة و ربع.
- و ها هو الطاجين ديال الفرخ معسل بالبصلة و الزبيب من بعد ما طاب نزينوه بشوية الربيع من الفوق.
شاركي برأيك