طريقة التحضير
0/0 الخطوات المستعملة- في قسرية، نغربلو الدقيق و خمارة إديال، النافع، القرفة، قبسة الملح، و ندقو المسكة الحرة مع السنيدة، و نزيدوالزنجلان، نتأكدو بيدينا أنه مدقوق مزيان، اللوز، و نزيدو خميرة الخبز، نزيدو الزبدة دائبة و الزيت و نرملو الخليط مزيان، نزيدو نصف صفر بيضة و نخلطو مزيان .
- ناخدو كاسرونة و نديرو فيها ماء زهر، معلقة ديال الخل، و الملون الطبيعي السنسلة و نسخنوها على عافية مهيلة بال ما تغلى و دابا نزيدو خليط ماء الزهر على العجينة و نخلطو حتى تولي عجينة متماسكة و كانصحكم أ الحادكات، إلى بانت ليكم العجينة مازال ماتجمعات تقدرو تزيدو شوية الماء دافئ باش تجمعوها.
- نطلقو العجينة و نطويوها على شكل مسمنة و نعاودو نسرحوها شوية و نقطعوها مستطيلات بهاد الشكل و نجمعوهم في بالستيك ديال التجميد و نخليوها ترتاح شوية و ناخدو مستطيل العجينة و نطلقوها بالمدلك مزيان حتى ترقاق و لي عندها ألة التوريق تستعملها من الأحسن، نزولو الجانب، نقطعو الأشرطة، و نهزو مستطيل فيدينا، نهزو الخط األول و نطلقو الثاني و نقلبوه على الثالث و نهزوهم بزوج و نطلقو الرابع و نحطوهم فوقو،نهزو لي بقاو لينا، يعني الثاني و الرابع و نحطوهم على بعض و نضغطو شوية بيدينا و نجرؤ بهاد الشكل و نحطوها فوق سطح العمل و نزولو الجنابات.
نكملو بنفس الطريقة حتى نكملو العجينة،و نستفوهم وحدة حدا وحدة فوق ورق الطبخ و نخليوهم ينشفو باش يبقاو شادين راسهم ملي يطيبو - نديرو مقلة فيها الزيت تسخن مزيان، و نقسو عليها العافية و نبداو نقليو الشباكية ديالنا، و ملي تبان لينا تحمرات نقلبوها، و ملي تطيب نسقطروها مزيان و نطفيوها في العسل نرشوها بالزنجلان
شاركي برأيك