طريقة التحضير
0/0 الخطوات المستعملة- باش نقشروا القمرون، و ميضيع لينا منو والو، كنحيدو ليه الراس و الرجيلات هما الآولين، و من بعد، كنحيدو ليه الضهر، و فالاخير، كنوركوا عليه من التحت، باش يخرج و نحصلوا على اللحيمة كلها.
- كنخدوا طنجرة، و نديرو فيها لما، و نشعلوا عليها، نخويو فيها شوية ديال الزيت، و شوية ديال الملحة على حسب الرغبة، و منين يبدأ يغلى، كنحطو فيها les nouilles ديالنا، و نخليوهم يطيبو شي 10 دقايق تقريبا. و منين يطيب، نديروهم فإناء.
- كناخدو إناء ديال wok، نشعلوا عليه، و نخويو عليه الزيت بهاد الطريقة. نمعسو الثومة، نحركوا، نديرو شوية ديال سكنجبير طري، نزيدوا فالعافية، و نضيفوا الدجاج مقطع، و نبداو نحركوا باش يتشحر مزيان. و منين يبدأ اللون ديالو يتبدل، كنزيدو الفلفلة الخضرة، ومن بعد الحمرة، والصفرة، البصلة، السودانيةعلى حسب الذوق، نزيدوا الزيت باش مينشفش ل wok ديالنا، و نبقاو نحركوا. نزيدوا الشومبينيون الطري، الملحة و البزار على حسب الرغبة، القرفة، نزيدوا السكنجبير الطري عاوتاني، نضيفو القمرون مقشر، الزيت، و ضامتي حوت.
- نحركوا و نزيدوابراعم الصوجا. واش عرفتي بلي الصوجا غني بالكالسيوم. ناخدو حامضة، و نعصرو النصف، و نقطعو النصف الثاني و نزيدوه. نضيفو صلصة الصوجا، نحركوا ، و نزيدوا les nouilles، و نخلطو شوية. و يمكن لينا نزيدوا عليه شوية ديال القزبر، نخلطو و ملي يطيب كلشي، نطفيو عليه.
- فالآخير، كنقدمو الشهيوة ديالنا بهاد الشكل. و يمكن لينا نزينو بالقمرون للي ممقشرش، و وريقات القزبر.
و بالصحة والعافية.
شاركي برأيك