طريقة التحضير
0/0 الخطوات المستعملة- كنقطعو الحبق و البرو، ونديروهم فإناء، نزيدوا الخل، الزيت، لبزار و الملحة على حسب الرغبة، سكنجبير. واش عرفتي بلي سكنجبير كيحتوي على المنغنيز لي ضروري باش اتكون عضامنا بشكل سليم. الكمون، الزعتز، الثومة، نحكو عليهم الحامض، من بعد،نقطعوها على ،2 و نعصروها بهاد الطريقة. ناخدو ليمونة، و نحكوها عليهم حتى هي، نقطعوها على 2، و نعصروها. و فالاخير كنزيدو ضامتي حوت، و نخلطو كلشي بمعلقة.
- كناخدو السردين، و نحيدو ليه مصارنو، و نحلوه بالصبع الكبيربهاد الشكل، و ناخدوه من الراس، و نجرو السنسول حتى الآخر. و إلى بغينا نحافضو على المكونات ديالو،منغسلوهش من بعد محلليناه. من بعد، كنغطسوه ف la marinade، نديرو فوق منها الفروماج، نلويوه بهاد الشكل نسدوه ب le cure dent و نحطوه فلاطة فوق papier cuisson، و ندخلوه الفران لمدة 10 دقايق على حرارة 180 درجة. أحسن طريقة باش نحيدو ريحة الحوت من يدينا من بعد مغسلناه، هي ناخدو حبيبات ديال القهوة، و نحكوهم مع يدينا كيف كتشوفو.
- كناخدو البطاط مقشرة، و نقطعوها على 2 على الطول، ناخدو الكرعة و نقطعوها بهاد الشكل، و ناخدو الدنجالة و نقطعوها طريفات حتى هي. من بعد، كنزيدو الملح و البزارعلى حسب الرغبة و الزعتر بهاد الكيفية، ونخويو عليهم الزيت، و نخلطوهم، و نحطوهم فلاطة فوق papier cuisson، و ندخلوهم الفران على 180 درجة.(البطاطا 30 دقيقة ديال الطياب) و (الكرعة و الدنجالة 15 دقيقة ديال الطياب)
- كناخدو كاصرونة، و نخويو فيها الحليب بارد، والما، و الملحة على حسب الرغبة، و نسخنوها شوية. نزيدوا مستحضر لبطاطا مطحونة ضامتي مع التحراك، و نبقاو نحركوا. و فالاخير، نزيدوا الزبدة، نحركوا شوية، و نطفيو عليها.
- فالتقديم، كنبداو بla purée للي كنحطوها بهاد الشكل، نزيدوا عليها السردين. و للتزيين، يمكن لينا نضيفو tomates cerises و القزبر. و نقترح عليكم تزيدو شوية ديال la sauce pesto و الخضيرة للي طيبنا مع شوية ديال الخص.
و بالصحة و الراحة.
شاركي برأيك