طريقة التحضير
0/0 الخطوات المستعملة- إلى بغينا نعرفوا القياس ديال الدقيق أو الزيت بلا مايكون عندنا الغراف ديال العبار، كنستعملوا كأس ديال العنبة. كيف كتلاحضو، 100 غرام ديال الطحين مثلا، كتساوي كأس ديال العنبة عامر، و 125 مل كتساوي كأس ديال الزيت عامر حتى هو.
- أول حاجة، قبل منستعملو الطون، خاصنا نحيدو منو الزيت كلو،باش ميجيناش المخنفر ديالنا ثقيل. من بعد، كنخويو الطحين فالميكسور، نزيدوا الخميرة البزار و الملحة على حسب الرغبة، الزبدة، شوية ديال الما، و نطحنوا كولشي، و إلى حسينا بالميكسور كيطحن بصعوبة، نزيدوا شوية ديال الما عاوتاني و نطحنوا. و دابا ، كنحكو الزعتر باش يخرج النسمة ديالو كلها، و نخويوه فالميكسور…
- الزعتر معروف أنه كيسهل عملية الهضم، و لكن واش عرفتي بلي كيحتوي على العديد من المعادن بحال الحديد و الكالسيوم و المنغنيز.
- نزيدوا الزيتون الكحل، الطون، و فالاخير، نص ضامتي حوت، و نعاودو نخلطو كلشي حتى يتقال الخليط ديالنا و يتجانس. من بعد، كنخليوه يرتاح و يخمر لمدة 30 حتى ل 45 دقيقة.
- و دابا، كنخدوا مقلة، نسخنوها شوية، و نستعملو مغرفة باش نحطو الخليط ديالنا فالوسط كيف كتشوفو، و نبداو نطيبو المخنفر ديالنا، و نقلبوه مرة مرة باش ميتحرقش
- و فالأخير، كنقترح عليكم نقدموه مع شوية ديال التكتوكة.
و بالصحة و الراحة!
شاركي برأيك