كلاص زعزع

طريقة التحضير

1. كناخدو إناء، و نخويو فيه ربع إيترو ديال الحليب بارد، و نزيدوا عليه مسنحضر glace vanille ideal، و نبداو نطربو بالطراب الكهربائي، و نزيدوا السرعة شوية بشوية حتى نحصلو على كريمة خاترة.
2. كنخدوا الافوكا، و نقطعوها على الطول، نحيدو ليها العضم بهاد الطريقة، و نخويوها بالمعلقة كيف كتشوفو، و نديروها فالإناء. كنخدوا البنانة، و نقطعوها حتى هي. تحتوي فاكهة الأفوكا على نسبة كبيرة من الدهون غير المشبعة المفيدة للصحة، ولصحة القلب بشكل خاص. إلى بغينا نعصروا  حامضة و نحصلو على السائل أكثر، كناخدو الحامضة، ونقطعو النص، عاد نعصروها، نزيدوا سكر كلاسي، و نطحنوا بالميكسور العمودي بهاد الكيفية. من بعد، نخويو la glace للي وجدنا فالإناء، و نخلطو كلشي بالطراب الكهربائي. و دابا، كناخدو الخليط، و نخويو النص فعلبة التجميد و النص الآخر فالعلبة الثانية، من بعد، كناخدو ملون البيستاش، ونخويوه فالعلبة الثانية، و نخلطو بالطراب الكهربائي. و الآن، كنخويو اللوز و الكركاع فالعلبة الأولى، ونحطوهم فالمجمد على الأقل 3 ديال الساعات.
3. كنقطعو الزبيب والتمر، و نديروهم فإناء، نزيدوا عليهم الكركاع، واللوز حتى هو، و نخليو منو شوية حتى الأخير. نزيدو الكراميل،و نخلطو كلشي. من بعد، كنحطو papier cuisson فوق البلانشة بهاد الطريقة، و نحطو فوق منو الخلطة ديال الفاكية، نمعسوها بهاد الشكل، و نحطو فوق منها طريفات اللوز للي خلينا، و نغطيوها ب papier cuisson، و نديروها فالكونجيلاتور لمدة ساعة تقريبا. من بعد ما خرجناه من الكونجلاتور، كنحيدو ليه papier cuisson، و نقطعوه صبيعات بهاد الشكل.
4. و فالتقديم، يمكن لينا نحطو les boules de glace فالطبسيل، آو فالكأس. نزيدوا معاهم النوكة، و الفاكية. وللتزيين، يمكن لينا نضيفو،الكولي ديال الكراميل، الكولي ديال الشكلاط،اللوز، السيكار، و  طريفات ديال الشكلاط.  و بالصحة و الراحة!