طريقة التحضير
0/0 الخطوات المستعملة- في إناء، نديرو 325 مل حليب، خميرة الخبز، 4 المعالق كبار سكر سنيدة، نخلطو بالطراب اليدوي،
نزيدو رشيشة ديال الملح، بيضة، كيس سكر ڤانيليا إديال، نطربو، و نزيدو ثلث كمية الدقيق و خميرة
الحلويات إديال، نخلطو، و نزيدو الثلث الثاني و نستمرو في التخلاط و نزيدو الثلث الاخير ديال الدقيق تدريجيا و حنى كانخدموه بيدينا، نزيدو الزبدة و كانصحوكم أ الحادكات تكون لينة و بحرارة المطبخ باش تنساجم مع العجين بسهولة و ندلكوها مزيان حتى نحصلو على عجين ليس و متجانس و نغطيوها بفيلم غذائي و نخليوها تخمر حتى يتضاعف الجحم ديالها. - نرشو سطح العمل بالدقيق، و ناخدو العجين ديالنا من بعد ما خمر و نسرحوه بالمدلك على شكل مستطيل و نقطعوه بالموس على 3 و نعمرو كل طرف بكريم باتيسيير ديال الشكلاط و نجمعو كل طرف من لتحت للفوق بحال إلى كانقرسو العجين باش مايتحلش و نزولو الزوائد و دابا نضفر و الاطراف ديال العجين بثلاثة و نوضعو العجينة في المول لي دهناه من قبل بالزبدة و رشيناه بالدقيق ونخليوها تخمر حتى يتضاعف الحجم ديالها و ندهنو ببيضة مطربة و ندخلوها طيب في فران سخون على درجة حرارة 180 لمدة 40 دقيقة.
شاركي برأيك