طريقة التحضير
0/0 الخطوات المستعملة- فإناء، نديرو البيسكوي مطحون، نضيفو عليه 2 ساشيات كاكاو إديال، قبيسة الملح، القرفة، نخلطو و نزيدو الزبدة المدابة و نخلطو و نصبو الخليط فمول كايتحل لي لبسناه من قبل ورق الطبخ، ونضغطوه مزيان بكاس باش نتبتو القاعدة و ندخلوه للثلاجة يشد راسو.
- فإناء، كانخلطو أوراق الجيلاتين المبللة مع الشوكولا دايبة حتى يتجانسو
و فإناء آخر نديرو الجبن، السكر، 2 ساشيات سكر ڤانيليا إديال و نطربو الكريمة بالطراب الكهربائي و نبقاو نزيدو الكريمة السائلة تدريجيا و كانصحوكم ا الحادكات تكون الكريمة باردة تماما باش تطلع مزيان و كاناخدو شوية الكريمة و كانطلقو بيها خليط الشوكولا و الجيلاتين و كانزيدو بشوية بشوية الكريمة المتبقية حتى نكملو الكمية كاملا و حنى كانخلطو من الاسفل للأعلى و نصبو الخليط النهائي على قاعدة البيسكوي و نبسطوه وندخلوه التلاجة يبرد ليلة كاملة
- من بعد ما التشيزكيك شد فراسو و زولناه من المول كانزينو الوجه ديالو بالشوكولا سوداء محكوكة، نزيدو فواكه اختيارية و نساليو برشة ديال السكر صقيل. بالصحة و الراحة
شاركي برأيك