طريقة التحضير
0/0 الخطوات المستعملة- في كوكوت, نديرو الزيت ، البصلة مقطعة رقيقة ، نشحروها حتى تحمر شوية، اللحم، الملح، الابزار ، السكينجبير، القرنفل، اللومي الهيل، نزيدو مطيشة، الخيزو، مطيشة الحك، نحركو الكل، نفرتو ضامتي غنمي، و نفرتو بنة الطياب ضامتي ثومة، نزيدو عطرية الكبسة، عويدات القرفة، نرويو بالماء سخون كافي باش يطيب لينا اللحم، نزيدو ربطة المعدنوس، الفلفلة الحارة و نسدو عليها و نخليوها تطيب تقريبا 40 دقيقة
- من بعد، نحيدو اللحم، نحطوه فلاطة و نزيدو الروز و نرويو بالماء، نحركو و نسدو عليه يطيب و ندهنو اللحم لي زولنا بالزبدة و نديوه يتحمر فالفران.
- نغلفو البصل بزوج معلقات من دقيق الدرة الممتازة مايفين إديال و نقليوها مباشرة فزيت سخونة حتى تحمر و نزولوها.
- من بعد ما طاب الروز و تحمر اللحم، نزينو باللوز مقلي، البصل مقلي،رشيشة القزبر و المعدنوس و شرائح الحامض، كايجي الطبق كايعمر الطبلة، و كايشهي من الشوفة الأولى بالصحة و الراحة
شاركي برأيك