طريقة التحضير
0/0 الخطوات المستعملة- فمقلة، نديرو الزبدة تذوب ، نزيدو زيت الزيتون، البورو ونشحرو حتى يدبال شوية، نضيفو الجزر محكوك، ، القرع الأخضر، الفلفل الألوان، الفطر و نقليوهم حتى يطيحو و نفرتو ضامتي سمك نخلطو، ثم نحيدهم من المقلاة و نخليوهم جانبا.
- في نفس المقلاة نزيدو الزيت،، القيمرون، نفرتو بنة الطياب ضامتي ثومة،، ونشحروهم حتى يطيبو و كانصحوكم أ الحادكات تجهدو العافية باش مايطلقش القيمرون الماء، و نرجعو الخضرة للمقلة و نزيدو الإبزار، بابريكا، هريسة حسب الذوق، الصوجا ، المعدنوس مفروم، و نشحرو حتى ميبقاش فيهم الماء و نخليو الخليط يبرد تماما
- فإناء، نديرو الزيت، التحميرة، الهريسة و نخلطو الخليط مزيان، ندهنو ورق البسطيلة بالخليط ديال الزيت ونعمروها على شكل سيكار، و نسدو بأبيض البيض و نستفوهم فلاطة و نستمرو بنفس العملية و كاندخلوهم للفران سخون على 180درجة مدة 30 دقيقة
- من بعد ما خرجناهم من الفران نزينوهم بالطماطم الكرزية و شرائح الحامض كايجيو خياليين!! ماتشبعوش منهم! بالصحة و الراحة.
شاركي برأيك