طريقة التحضير
0/0 الخطوات المستعملة- نبداو بتوجاد العجينة، ندوبو الزبدة لي حيدنا منها معلقة كبيرة غاي نحتاجوها من بعد، و في إناء، نديرو السميدة لي
حتى هي حيدنا منها 50غ لي غادي نحتاجوها من بعد، نزيدو السنيدة، المسكة، القرفة، النافع، قعقلة، الزيت و الزبدة
) لي بزوجهم خاص يعطيونا 150 مل( و نجمعو جميع المكونات مزيان باش يتجانسو المكونات مع بعضهم، و
نخلطوهابيدينا و نخليو حبات السميدة تشرب الزيت و الزبدة لمدة على الأقل 6 ساعات باش ماتجيناش ناشفة و تشقق في الطياب .
نخويو الماء في جبانية و نزيدو عليه 3 ديال لي ساشي ديال سكر زهرة البرتقال
إديال و نحركو مزيان حتى يدوب كليا سكر ماء زهرة البرتقال و نزيدوه تدريجيا على العجينة حتى تجمع كليا و كيفما
كاتشوفو العجينة كاتولي رطبة بحال هاد الشكل،و إلى بانت ليكم العجينة باقا ناشفة حيت على حسب كل نوع السميدة،
كاين لي كايطلب الماء أكتر من الآخر يمكن ليكم تزيدو حتى تجمع
و نخليو تقريبا 10 مل من ماء الزهر غادي نستعملوه من بعد.
- في إناء، نديرو كاوكاو، عجينة التمر، القهوة، معلقة ديال الزبدة و نعجنو بيدينا و نزيدو الماء زهرة البرتقال لي خلينا و نجمعو بيه الخليط حتى نحصلو على عجينة متماسكة.
- و دابا نبداو نصيبو كويرات ديال التمر ديال 10 غرام و كويرات ديال العجينة ديال 30 غرام، نديرو فيهم تقيبة في الوسط و ندوروها بهاد الشكل، نمرمدوها في السميدة، و نديروها في وسط القالب و نمعسو مزيان باش يشد لينا جوانب القالب و ياخد الشكل ديالو و نخرجوها, و بنفس العملية نكملو المعمول ديالنا كامل و نستفوه في لاطة مغطية بورق الطبخ و ندخلوه للفران سخون على درجة حرارة 160 لمدة 30 دقيقة.
- من بعد ما طاب المقروط نخليوه 3 الدقائق تقريبا و نطفيوه حبة بحبة في العسل بهاد الطريقة لي كاتشوفو و نخليوه حتى يدخل فيه العسل و نحطوه يتصفا على خاطرو.
شاركي برأيك