طريقة التحضير
0/0 الخطوات المستعملة- في إناء نغربو الدقيق، كاكاو إديال، معلقة صغيرة خميرة الحلويات إديال، القرفة و نزيدو سكر سنيدة، الملح، نخلطو نزيدو عليهم الحليب، البيض و الزيت ، نخلطو و نجمعو الكل حتى نحصلو على عجين متجانس و ناخدو كويسات صغار و نعمرو النصف ديالهم بالعجين
- على عافية مهيلة، غانطيبو الكيك في حمام مريم لمدة 25 دقيقة، نديرو منديل في الطنجرة و نحطو الكويسات و نعمرو بالماء حتال النصف ديال الكويسات و نغطيوهم بمنديل آخر و نسدو عليهم كانصحوكم ا الحادكات تديرو هاد الطريقة ديال المناديل من التحت باش كاتحمي الكؤوس مايتضربوش مع بعضهم و من الفوق باش البخار لي كايطلع مايقطرش الماء ديالو على الكويسات.
و ندخلو عود خشبي في الكيك، إلى خرج لينا ناشف يعني أنه طاب .
- نخويو الحليب في كاسرونة. نزيدو عليه مستحضر فلان كراميل إديال نحركو مزيان و نشعلو عليه العافية مهيلة مع التحريك المستمر حتى يبان لينا الفلان غلا و نطفيو عليه.
- نخويوه الفلان فوق الكيك و ندخلوه للثلاجة يبرد مزيان و نديكوريو الكويسات بالكاوكاو معسل
شاركي برأيك