طريقة التحضير
0/0 الخطوات المستعملة- في إناء، نديرو البيض، نفرتو عليه ضامتي ديال البكري، البطاطا محكوكة و معصرة مزيان من الماء، المعدنوس، الابزار، الدقيق، حبة ثومة محكوكة و نصف كمية الفروماج إيدام محكوك و نخلطو جميع المكونات باش يتجانسو مع بعضهم و ناخدو لاطة ديال الفران لي لبسناها من قبل ورق الطبخ ونسرحو فيها الخليط ديالنا بسباتيل و نبسطوه مزيان بهاد الطريقة و ندخلوها للفران على درجة حرارة 180 لمدة 20 دقيقة
- في مقلة، نديرو زيت الزيتون، البصلة مقطعة، حبة ثومة محكوكة، نخليوهم يتشحرو شوية و نزيدو الكفتة و نفرتوها مزيان، نزيدو عليها خيزو محكوك، رشة إبزار و ملح و نكملو في التشحار الحشوة و نحتافضو بيها.
- ندوزو دابا لتحضير صلصة البيشاميل، نديرو الحليب بارد فكاسرونة، نزيدو عليه معلقة و ربع من
مستحضر صلصة البيشاميل ضامتي و نطربو بالطراب اليدوي مزيان و نشعلو عليها حتى تعقاد و
نخويو منها تقريبا 3 المعالق كبار على الحشوة لي وجدنا و نخلطو - ملي طابت البطاطا، نوزعو عليها الفروماج محكوك، نسرحو عليها الحشوة ديال الكفتة، و كانبعدوها
على الجناب و مانوصلوهاش حتال الطرف اللخر و نقطعو شرائح اللحم المدخن ديلباشا قطع صغيرة و نزيدوه حتى هو و نبداو نجمعو الرولي و كانصحوكم أ الحادكات، باش يترولا ليكم الرولي بسهولة كانستاعنو بورق الطبخ لي فرشناه في اللاطة في الاول و ندخلو الرولي ديالنا للفران على ما يتحمر لمدة 15 دقيقة على درجة حرارة .200
شاركي برأيك