البريوش بكريم كاراميل

طريقة التحضير

1. نقطعو تفاحة وحدة على 4 و نزولو ليها القشرة ديالها و نقطعوها شرائح بهاد الشكل و نحتافضو بيها للتزيين،
   ونقطعو 2 تفاحات لي بقاو على هاد الشكل.
2. ناخدو مقلة، نشعلو عليها العافية و ندوبو فيها الزبدة و نزيدو التفاح ونزيدو السكر سنيدة و نزيدو ساشي ديال الكراميل
   لي كاين وسط الفالن إديال و نحتافضو بالفالن حتى لمن بعد، و ملي يبان لينا اللون ديالو وال كاراميليزي نطفيو عليه.
3. في كاسرونة، نخويو الحليب بارد و نزيدو السكر سنيدة و سكر ڤانيليا إديال و جوز الهند و فالن كاراميل إديال ونخلطو
   كولشي و نشعلو عليه و ملي يبان لينا بدا كايفيض نطفيو عليه.
4. نزيدو على البيض مطرب، الفالن بعدما برد شوية و التفاح لي عسلنا .
5. نفرتو خبز البريوش بهاد الشكل و نعمرو بيه طبقة في المول و نغطيوه بطبقة من الخليط ديال البيض و الفلان و التفاح، نزيدو طبقة ديال خبز البريوش و نخويو الخليط لي بقا من الفوق و نضغطو عليهم شوية بمعلقة باش نحصلو على وجه مسرح و نستفو التفاح من الفوق و باش نحصلو على اللون الذهبي من الفوق ندردرو شوية السكر سنيدة فوق التفاح و ندخلو الكيك للفران على درجة حرارة 180 لمدة 20 دقيقة.