كيش بالكرعة

طريقة التحضير

1. في إناء، نديرو الدقيق، نزيدو الملح و الزبدة نخلطو بصباعنا مزيان، و نطربو بيضة و نزيدوها و نجمعو العجينة بال ماندلكو، نكرصوها شوية في بلاستيك غدائي و نحطوها ترتاح في الثالجة لمدة 30 دقيقة، من بعد ناخدو المول ديال الطارط، و ندهنوه بالزبدة و باش نتأكدو أن العجينة ماغاديش تلصق لينا في المول نفرشو في قلبها ورق الطبخ و نخليوه جانبا، و نرشو شوية الدقيق على سطح العمل و نسرحو العجين حتى يرقاق. و نلبسوه للمول و نزولو الزائد، و نغطيوه بورق الطبخ و ندخلو الكيش للفرن لمدة 15 دقيقة على درجة حرارة 180
2. في كاسرونة، نديرو الماء يسخن و نديرو فيه رشة الملح و نرميو فيه الكرعة باش تسلق و ترطاب … ونصفيوها و نحطوها في إناء فيه الماء و المثلجات، و دابا ناخدو تومات سوريز و نديرو فيهم فتيحة على شكل زائد و نصفيو الكرعة من الماء و نديرو تومات سوريز في الماء سخون غير تطلع فيهم الغلية و نزولوهم و نحطوهم في الما مثلج و نصفيوهم ونقشروهم و نحتافضو بيهم جانبا.
3. باش نوجدو صلصة البيشاميل، ناخدو كاسرونة و نخويو فيها حليب بارد و نضيفوا مستحضر بيشاميل فرماج ضامتي، نخلطومزيان بالطراب اليدوي و نحطوها على عافية مهيلة مع الاستمرار في التحريك، ملي تبان لينا بدات كتختار نطفييوا عليها ونخليوها جانب
4. و من بعد ماطابت الكيش، نزيدو على البيشاميل 2 بيضات و نطربو و نخويو في الكيش، وناخدو 2 طريفات أو 3 ديال الكرعة و ندوروهم على تومات سوريز و نستفوهم، نعاودو نفس العملية حتى
   نعمرو الكيش و ندخلوها للفران على درجة حرارة 180 لمدة 30 دقيقة