طريقة التحضير
0/0 الخطوات المستعملة- في كوكوت، نديرو زيت الزيتون تسخن، و نحطو فيها الكرعة الحمراء و البورو و نشحروهم مزيان حتى يدبلو ، ونزيدو السكينجبير، و قشرة الحامض مصير، ملح و إبزار حسب الرغبة و كانصحوكم الحادكات، تضيفو الماء سخون ماشي بارد باش ماتحبسوش الطياب ديال الخضر و نفرتو ضامتي ديال الحوت لي كاتزيدنا بنة خاصة و نزيدو سوريمي دلباشا مقطع طريفات و نغطيوها و نخليوها طيب على عافية متوسطة لمدة 20 دقيقة و ملي طيب نعصرو عليها شوية الحامض.
- ناخدو ميكسور و نطحنو فيه الخليط ديالنا و نزيدو عليك القشدة الطرية و نستمرو في الطحين ، نوضعو الشوربة ديالنا في إناء التقديم و نزينوها بنقيطات القشدة السائلة و نديعوها باستعمال عود، طريفات السوريمي و شرائح البورو و رشة التحميرة من الفوق.
شاركي برأيك