طريقة التحضير
0/0 الخطوات المستعملة- كندردرو شوية ديال الطحين فالبلانشة، و كنخدوا العجيبة المورقة، و نسرحوها بالمدلاك، و نعطيو شوية ديال الجهد باش تسرح لينا مزيان كيفما كتشوفوو فالاخير، كنلويوها على المدلاك بهاد الكيفية، من بعد كناخدو لاطة مع papier de cuisson، و نسرحو عليها العجينة كيف كتلاحضو، و نعاودو نسرحوها بالمدلاك، و نقطعو العجينة للي خارجة على الاطة بالموس و دابا كنثقبوها ب la fourchette باش متنفخش لينا منين تكون كتطيب و تبقى رقيقة و فالأخير ندخلوها للفران ،و نخليوها تطيب ما بين 17 حتى ل20 دقيقة على حرارة 170 درجة.
- و دابا من بعد ما طابت العجيبة المورقة كنحيدوا ليها الجناب.و إلى بغينا إجيونا الطبقات ديال millefeuille مقادين، كنقطعو الطرف الأول على الطول و نحطوه فوق la pâte للي بقات باش منين نقطعو الطروفة الأخرين، إجيونا كلهم فنفس الحجم. و فالاخير كنقطعوهم على 2 و كنحصلو على النتيجة للي بغينا كيف كتشوفو.
- كنخدوا مقلة، و نخويو فيها الزبدة، و العسل و نشعلوا عليها، و نحركوا، نزيدوا البصلة، و البزار على حسب الرغبة ،و الزبيب، و نبقاو نحركوا حتى يتعسلو، كنخدوا الفيلي بكري delpacha و ناخدو منو 2 طريفات، من بعد كنخدوا الفيلي ديال la dinde و ناخدو 2 طريفات و نقطعوهم بهاد الشكل، و فالأخير كنخدوا 2 صبيعات ديال السوريمي delpacha و نقطعوهم طريفات صغار.
- و دابا غادي نجمعو millefeuille ديالنا، أول شيئ كنحتاجو لtomate cerises مقطعة على ربعة كنخدوا الجبن الطري، و نمعسوه مزيان بالطراب، من بعد، كناخدو المربع الأول ديال la pâte، و ندهنوه بالجبن، و نعاودو نفس العملية مع المربعات الأخرين، و دابا كنخدوا طرف ديال شاركيتري بكري delpacha، و نحطوه فوق المربع للي دهننا، و نزيدو طريفات السوريمي فالقنات، و نحطو charcuterie ديال la dinde فلوسط، و نزيدوا السوريمي فوق منو، من بعد ما عمرنا جيب حلواني بالجبن الطري، كنكملو به الطبقة الأولى بهاد الشكل، و دابا، نعاودو نفس العملية مع الطابق الثاني كنبداو بالشاركيتري بكري، نتبعوه بالسوريمي، و الشاركيتري ديالdinde للي كنلويوه و كنحطوه بهاد الشكل و نتقلوه بالجبن الطري ، و فالطابق الأخير كنضيفو المربع الثالث، و نزيدوعاود الشاركيتري بكري، و نحطو فوق منو الجبن الطري بهاد الشكل،و نزيدوا البصلة و الزبيب للي عسلنا، عاد نزيدوا عليهم les tomates cerises للي قطعنا،
- و فالتقديم كنزيدو شوية ديال الشبت أو l’aneth من الفوق، عشبة l’aneth ممتازة للمعدة و تساعد على عملية الهضم . من بعد كنخلطو القشدة الطرية مع الجبن الطري و نزينو بهاد الشكل.
و بالصحة و الراحة.
شاركي برأيك