طريقة التحضير
0/0 الخطوات المستعملة- نخدوا mixeur، و نخويو فيه الزبدة مذوبة، شوية ديال الملحة على حسب الرغبة، بيضة، لما زهر، من بعد، كنبداو نخلطو، و نضيفو الطحين تدريجيا كيف كتشوفو، حتى نحصلو على عجينةمتماسكة. و دابا، كنبداو نسرحوا فالعجيبة مع النشا mayfine بالمدلاك. من بعد مسرحناها مزيان، كندردروعليها عاود شوية ديال النشا mayfine ، و نلويوها بهاد الطريقة كيف كتشوفو. و دابا، ندردرو النشا على البلانشة، و نقطعو ملفوف العجيبة على شكل مستطيلات. من بعد، كناخدو طرف بطرف، و نوركو عليه من الوسط، و نبداو نسرحوه بالمدلاك بهاد الكيفية.
- و دابا، كنبداو نقليو الرغايف ديالنا، فعافية متوسطة، و نبقاو نسقيوهم بالزيت كيف كتشوفو، حتى يتنفخو، و منين يبداو يتحمرو. نحيدوهم، و نقطروهم فالشبكة. إلى بغينا نعرفوا واش العسل حر أو لا، كنسخنوه فمعلقة، و نخليوه يبرد شوية، و إلى متحببش كيف كتلاحضو، إذن، لعسل ديالنا حر. من بعد، كنخويوه فكاصرونة، و نزيدوا فيها شوية ديال لما زهر، و نشعلوا عليها، و نحركوا حتى يذوب. ملي نبغيو نعسلو الرغايف، نستعملو عسل دافي ماشي سخون بزاف باش يبقاو مقرمشين. من بعد، نصفيوهم فالشبكة كيف تلاحضو .
- و فالاخير، كنحطوهم فالطبسيل، و ندردرو عليهم شوية ديال اللوز مهرمش و محمر، و نقدموهم. و بالصحة و الراحة.
اللوز من الفواكه الجافة المفيدة القلب.
شاركي برأيك
تبارك الله عليكم لوصفۃ سهلۃ