طريقة التحضير
0/0 الخطوات المستعملة- قبل منبداو، ناخدو إناء عامر بلما و نعصروعليه نص حامضة. من بعد، نقيو القوق و نقطعوه، و منين نساليو كنديروه فلما باش ميكحالش. و دابا، كنديروه فطنجرة مع لما، و نخليوه يتسلق لمدة 20 دقيقة. واش عرفتي بلي القوق غني بالبوتاسيوم .
- كنديرو شوية ديال الزيت فلمقلة، و نزيدو الزبدة، نحركوا شوية،و نضيفو البورو، شوية ديال الزيت، وريقات ديال السبانخ ، ابزار،بنة الطياب تومة، و نشحروكلشي. من بعد، كنخدوا le moule ديال الفران، و كنحطو فيه حبات ديال لقوق للي سلقنا، و نزيدوا البورو و السبانخ.
- كنهرسو البيض. و إلى هرسنا البيض، و طاح لينا طريف ديال القشرة، كنحيدوه كيف كتشوفو بهاد الطريقة. نطربو البيض، ونزيدو ليه الفرماج، كأس ديال القشدة الطرية، ضامتي ليباط. و فالأخير، كنزيدو الخلطة ف le moule، وندخلوه للفران لمدة 20 دقيقة على حرارة 180 درجة. بالنسبة للاصوص، كنحطو فزليفة المايونيز, الموطارد, نصف كأسديال القشدة الطرية، و كنخلطو حتى يولي الخليط متجانس.
- ملي تطيب الطورطية، كنقطعوها و نحطو طريف فطبسيل و نقدمو معاها لاصوص لي حضرنا.
و بالصحة و الراحة.
شاركي برأيك