طريقة التحضير
0/0 الخطوات المستعملة- إلى بغينا الزبدة تولي رطبة، كناخدو إناء سخون، و نغطيو بيه الزبدة شي 2 دقايق تقريبا، و نحيدوه و دابا كنخدوا إناء، و نديرو فيه الزبدة، و نزيدوا المعدنوس مقطع، و معلقة صغيرة سكنجبير طري محكوك، و بنة الطياب ثومة، و نصف مكعب ضامتي دجاج، و نمعسو كلشي.
- إلى بغينا الوصفة ديالنا تنجح، كناخدو الدجاجة، و نحيدو ليها الصدر ، و نقطعوها على 2، و ناخدو الطرف الأول، و نحيدو ليه الجلدة، و نقطعو ليه الجناح، و نقيوه، و نحلوها بهاد الطريقة و نعاودو نفس العملية مع الطرف الثاني.
- كناخدو الطريفات ديال الدجاج، و كنعمروهم بالعمارة للي وجدنا، و نسدوهم، و من بعد كنحطوهم فالدقيق، و نغطسوهم فالبيض، و فالأخير، كنخشيوهم فالشابلير، و نحطوهم فلاطة صغيرة فوق من papier cuisson، و ندخلوهم للثلاجة يبردو ساعة، عاد ندخلوهم للفران يطيبو لمدة 30 دقيقة على حرارة 200 درجة.
- كنخدوا الكرعة، و نديروها تسلق فكاصرونة مع الما، لمدة 3 دقايق تقريبا و دابا، كنخدوا طنجرة عامرة بالما، و نديرو فيها اللوبية، خيزو، brocoli، و نخليوهم يتصلقو 7 دقايق تقريبا
واش عرفتي بلي اللوبيا من الخضر الغنية بالألياف.
من بعد، يمكن لينا نزيدوا شوية ديال الملحة على حسب الرغبة و منين تطيب الكرعة، نحيدوها من العافية، و نصفيوها من الما. - و دابا كنخدوا إناء، و نديرو فيه الكرعة للي سلقنا، و نزيدو عليها شوية ديال العمارة، نضيفو ضامتي دجاج، و نمعسو كلشي بالميكسور العمودي، نزيدوا القشدة الطرية، نبقاو نخلطو و نزيدوا شوية ديال المعدنوس، شوية ديال القشدة الطرية و نعاود نخلطوحتى نحصلوا على كريمة.
- فالتقديم، كنبداو بخيزو و اللوبية للي كنقدمو بهاد الشكل، والبطاطا و البروكلي حتى هوما، و من بعد كناخدو الطريف ديال الدجاج، و نقطعوه على 2 و دابا، غناخدو الموسلين للي وجدنا، و نديروها فالطبسيل بهاد الشكل، و نزوقوها بلصوص tomate، عاد نزيدوا الدجاج، و الخضيرة. و بالصحة و الراحة!
شاركي برأيك