طريقة التحضير
0/0 الخطوات المستعملة- كنبداو بالقنية، للي كنقطعوها بحال الدجاج. كنحيدوا ليها الراس، و من بعد كنقلبوا على المفاصل ديالها. كنبداو بالفخيدات للي كنشرحوا بهاد الطريقة، و من بعد، كنقطعوهم، و دابا، كنحلوا ليها الصدر ، و نكملوا التقطاع كيفما كتشوفوا باش نتفاداو أن العضم يتهرس و يتفرتت.
- كنخدوا طنجرة و نديروا فيها الزيت و كنحطوا فيها طريفات دالقنية من غير الراس و نحركوا مرة مرة باش تشحر، من بعد،كنحيدو الزيت لي شاط و نزيدوا الزعتر و اليزير عاد نضيفو لبزار(على حسب الرغبة)، الموطارد، نحركوا، ونزيدوا بنة الطياب تومة (للي كتنسم لكم الطياب)، ضامتي زعفران و نص كاس دلما من بعد كنزيدو القشدة الطرية، كنخلطو و نغطيو كلشي باش إتشحرو مزيان لمدة 15 دقيقة.
- خاص نبقاو حاضيين باش إلى القنية طابت و ولات رطبة نحبسو العافية. واش كتعرفي بأن لحم الأرنب مناسب لنظام غذائي غني بالبروتين وقليل الدهون.
- من بعد، كنحطوهم فالاطة على ورقة الطياب papier cuisson، و نغطيو لهم العضام بال papier aluminium، باش ميتحرقوش لينا، وفالأخير، كنحطوا معاهم الأعشاب و نزيدوا عليهم لاصوص للي طابو فيها، و ندخلوهم للفران، يتحمروا لمدة 10 دقايق
- و فالأخير، كنقتارح عليكم تقدموا هاد الطبق مع شوية ديال الخضيرة مسلوقة أو مشحرة و تزينو بهاد الشكل مثلا
و بالصحة و الراحة!
شاركي برأيك