كيك رولي بالحامض مع ليلى الشيني

طريقة التحضير

1. نوجدو الكيك:
   في إناء، كانديرو البيض، 100غ ديال السكر، ساشي سكر ڤانيليا إديال و نطربو حتى نحصلو على خليط أبيض
   متماسك … نضيفو قشرة حامضة و نخلطو مرة أخرى … و كنغربلو فوقو الدقيق… و نزيدو قبيصة الملح و نخلطو
   بسباتيل سيليكون من الأسفل إلى الأعلى بشوية بهاد الطريقة حتى يتجانسو جميع المكونات…
   نصيحة الشاف
   باش نعرفو أن الجنواز ناجحة كانهزو العجينة و كانرسمو بيها شي حاجة، كانلاحظو كاتبقى لينا الفوق و ماكاتخلطش مع لي لتحت.
2. نطيبو الجينواز:
   و دابا كانخويو العجين ديالنا في لاطة فرن مستطيلة لي غلفناها من قبل بورق الطهي و نسرحوها بهاد الشكل. … و
   ندخلوها للفران مسخن على درجة حرارة 180 لمدة 12 دقيقة.
3. نروليو الجينواز :
   من بعد ما طابت الجينواز، و حيدناها من اللاطة،
   نصيحة الشاف
   كانصحوكم ترشوها ب30غ ديال السكر باش ماتلصقش لينا ملي نبغيو نحلوها…
   و نروليوها بهاد الطريقة ماحدها سخونة حيت كاتكون مرنة و كانقدرو نتحكمو فيها و نعاودو نروليوها في منديل
   ونحتافضو بيها فالثلاجة حتى تبرد تماما.
4. نوجدو الكريمة:
   فاناء كنوضعو مستحضر شانتيي إديال، نزيدو عليه الحليب بارد، الجبن، قشرة حامضة و نطلعو الكريمة بالطراب
   الكهربائي حتى نحصلو على كريمة لينة..
   و دابا كانحيدو كمية 4 المعالق كبار من الكريمة و نزيدو عليها 2 المعالق صغار ديال عصير الحامض، نخلطو و
   نحتافضو بها.
5. نمونطيو الرولي:
   من بعد ما بردات الجينواز مزيان، كنحلوها، كانزولو ورق الطهي، كندهنوها بمربى الحامض … كنضيفو الكريمة،
   نسرحوها بتساوي… و نرشو حبات الفرومبواز لي قطعنا… و نروليو الجينواز .. و ندخلوها للثلاجة تشد فراسها لمدة 10
   الدقائق.
6. نزينو و نقدمو:
   من بعد ما بردات و قطعنا ليها الجوانب بزوج، نزينو من الفوق بالكربمة مع عصير الحامض لي درناها فجيب
   الحلواني… نزيدو، شرائح الحامض لي عسلناهم مع السكر و حمرناهم فالفران ، حبات الفرومبواز ، وريقات أزير و
   نرشو السكر الصقيل من الفوق.