طريقة التحضير
0/0 الخطوات المستعملة- فطنجرة كنوضعو البصلة مشلضة، مربعات لحم الغنمي، نزيدو بنة الطياب ضامتي زعفران، نضيفو الزيت النباتية، الملح، الابزار، السكينجبير، الخرقوم ،عويدات القرفة، ضامتي السمن، نضيفو الزبدة و نشحرو شوية … و نضيفو كاس ديال الماء و نسدو عليه و نخليوه يطيب على عافية مهيلة لمدة 45 دقيقة
- فقصرية كنوضعو الكسكسو ندهنوه بالزيت النباتية, نضيفو رشة من الملح نخلطو مزيان ونضيفو تقريبا لتر إلا ربع ماء و نخدموه بيدينا مزيان حتى يتشرب و نديوه يفور لمدة 30 دقيقة
- من بعد الفورة الأولى نضيفو عليه نصف لتر حليب بارد و نخلطوه حتى يتشرب الحليب و نرجعوه يفور لمدة 20 دقيقة
- من بعد الفورة الثانية، نضيفو على الكسكسو الحليب المركز المحلى و الزبدة و نخلطو مزيان
- ناخدو مول دائري غارق لي دهناه من قبل بالزبدة كنوضعو فيه نصف كمية الكسكسو نطغطو عليه بقاع الكاس بهاد الشكل، و نعمرو الوسط بدغميرة اللحم نغطيو بنصف كمية الكسكس المتبقية نضغطو مزيان باش يشد راسو، نزولو المول، نحطو ورق الطبخ لي قطعنا على شكل دائري اصغر من المول و نرشو الجوانب بالسكر كلاصي، نزولو الورق، نحطو المشماش معسل و معمر بالكركاع، نزيدو اللوز مهرمش، اللوز مقلي، رشيشة القرفة و حتى إلى عندكم شوية وريقات الورد البلدي زيدوهم فالتزيين كايزيدو لمسة رائعة!
شاركي برأيك