طريقة التحضير
0/0 الخطوات المستعملة- فطنجرة نديرو الدجاج، نفرتو بنة الطياب ضامتي ثومة، ضامتي دجاج، أوراق الغار، الصوجا، الحامض و نرويو بالماء و نخليو كلشي يطيب مزياان فوق نار مهيلة
و ملي يطيب الدجاج، نزولوه و ناخدو 250 مل من المرق - في كاسرونة، على عافية مهيلة، نديرو مرق الدجاج ، نزيدو عليه معلقة كبيرة من مستحضر ضامتي بيشاميل و نطربو بالطراب اليدوي مزيان حتى تعقاد لاصوص و نطفيه العافية.
- في مقلة كانديرو ، الزيت، نزيدو الفطر، نشحروهم و نزيدو عليهم الشعرية ديال الروز نخلطو .. و نفرتو الدجاج نضيفوه و نزيدو صلصة البيشاميل
- ناخد ورقة البسطيلة نلبسوها للمول ندهونها بالزيت، نعمروها بخليط الدجاج، الموتزاريلا و كنختم بالقليل من السبانخ و كانجمعوها على شكل بسطيلة صغيرة و كندخلهم للفرن يطيبو على درجة حرارة 200 لمدة 20 دقيقة
- من بعد ماطابو، نزيينهم بالفرماج محكوك و طريفات ديال الحامض، مانعاودش ليكم على بنة فيهم ! بالصحة و الراحة
شاركي برأيك