طريقة التحضير
0/0 الخطوات المستعملة- في كاسرونة، نديرو الحليب بارد و نزيدو عليه مستحضر صلصة البيشاميل ضامتي ديال الفروماج، و نحركو مزيان و نشعلو عليه العافية و نستمرو في التحراك حتى تقال لاصوص و ملي تبان لينا غلات و نطفيو عليها و نخويوها فزلافة و نغطيوها بالفيلم الغذائي و نحتافضو بها جانبا
- -في مقلة، ندوبو الزبدة و نديرو البورو لي قطعنا قطع صغيرة يتشحر مع الإبزار و كانصحوكم أ الحادكات، ماتلوحوش الجزء الأخضر من البورو حيت يمكن ليكم تستعملوه فيما بعد باش تنسمو شي مرق. و نفرتو بنة الطياب ضامتي ديال الثومة و نخليوه حتى يطيح و نحتافضو به
- ناخدو إناء، نديرو فيه البيشاميل، نزيدو عله البيض و نطربو مزيان، نزيدو البورو لي شحرنا و نخلطو جميع العناصر حتى تجانس مع بعضها و نخويو الخليط في المول لي دهنا بالزبدة من قبل و ندخلوه للفرن على درجة 200 لمدة 30 دقيقة.
شاركي برأيك