طريقة التحضير
0/0 الخطوات المستعملة- في طنجرة، نديرو زيت الزيتون، البصلة مقطعة رقيقة، الثومة محكوكة، الدجاج، إبزار، سكينجبير، خرقوم، قرفة، نفرتو بنة الطياب ضامتي ديال الزعفران، و ضامتي ديال السمن و نشحرو مزيان و نرويو بشوية الماء، نزيدو عرش القزبر و المعدنوس و نزيدو البصلة الصغيرة و نسدو عليهم و نخليوهم يطيبو تقريبا نصف ساعة على نار مهيلة…
من بعد ما الدجاج و البصلة دخلهوم الطياب نزولو القبطة ديال القزبر و المعدنوس، نرميو الكرعة الخضراء، الزبيب، العسل، و كانصحوكم أ الحادكات نمهلو العافية باش المريقة تختر بلا ماتحرق و نعاودو نغطيو عليهم حتى تطيب الكرعة . - من بعد ما الكريعة و الزبيب طابو و المرقة تخترات، كانقدمو الشهيوة ديالنا في الطاجين، شوفو معيا شحال كايشهي بهاد المريقة الخاترة !! الصراحة كايجي شهوة منو يستاهل تجربوه !
شاركي برأيك