3 أنواع من العصير

طريقة التحضير

1. باش نقطعو الآناناس مزيان، كناخدو موس ديال الخبز، و نقطعوا  الراس. و لتحت، عاد كنحيدو ليه الجناب، و نقيوه بهاد الشكل. و دابا، كنقطعوه دواور، و ناخدو طرف بطرف، و نقسموهم على 4، و نحيدو ليهم القلب. من بعد، نقطعوهم مربعات صغار. واش عرفتي بلي 100غ ديال الأناناس كتوفر 30% من احتياجاتنا اليومية من الفيتامين.
2. عصير الأحمر : باش نوجدو العصيرالأول (الأحمر)، كنحتاجو للخيزو، سكنجبير طري و الباربا محكوكين، و الليمون معصور. نبداو بخيزو للي كنديروه فالميكسور مع الباربا و السكنجبير طري، نضيفو عليهم خنيشة ديال سكر فاني اديال، و معلقة كبيرة ديال السكر، و نخويو شوية ديال عصير الليمون، و نطحنوا.
3. عصير الأخضر : باش نوجدو العصير الثاني (الآخضر)، كنحتاجو للكرافس، و التفاح، و المعدنوس، و brocoli، و الكيوي مقطعين بهاد الشكل. كنبداو بالكرافس، و التفاح، و المعدنوس، و brocoli، و الكيوي،للي كنديروهم فالميكسور، و نضيفو عليهم خنيشة ديال سكر فاني اديال، و معلقة كبيرة ديال سنيدة. من بعد، نخويو شوية ديال عصير الليمون، و نطحنوا.
4. عصير الأصفر : باش نوجدو العصير الثالت (الآصفر)، غادي نحتاجو المونك مقطع، و الحامض معصور. من بعد، كناخدو المونك،  الآناناس، والسكنجبير طري، نديروهم فالميكسور، و نضيفو عليهم خنيشة ديال سكر فاني اديال، و معلقة كبيرة ديال سنيدة، وعصير حامضة مخلط مع ربع يترو ديال الما و نطحنوا.
5. Panaché: باش نوجدو الباناشي ديالنا، كنستعملوا بحال هاد النوع ديال المغرفة، آو معلقة. نديروها  فالكأس، و نبداو بالعصير الآحمر للي كنخويوه عليها شوية بشوية. من بعد، نخويو العصير الآصفر، و العصير الآخضر بنفس الطريقة باش نحصلو على طبقات مفارقة.
6. ودابا، من بعد ما خوينا الأعاصير ديالنا فالكيسان، كنقترح عليكم فالتقديم، تزينوهم بعريش ديال النعناع، و طريف صغير ديال خيزو مثلا.  و بالصحة و الراحة!